وين أنت يا ساكـن بقلبـي وعيني
وينك تخلي ضايق الصدر فرحان
غبت وتركت القلب يبكي حزيني
صديت وأعلنت التجـافي ونكران
نسيت حبـي وإحتيـاجي وحنينـي
وإلا نسيت اللي جرى بيننا وكان
لا تزيد جرحي والسهر مع ونيني
لا تزيـد همـي هـم وتصيـر ندمـان
سؤالك عني يا غلا الروح يكفيني
وشلونك؟ وقلبك إلى الحين ولهان!
أولـه عليـك بكـل حــزة وحينـي
أولـه عليك وقلبي بالحب غرقان
أحبك ونـار شـوق تشتعـل فيني
تقول وينه صـد! أنا حيـل شفقان
وين أنت غايب يا دفاي وسنيني
وينك تخلي ضايق الصدر فرحان؟