يمه عساني ماأزعجتـك يـا يمـه
أحس في صدري عـذاب وحريقـة
يضمني حزني وأنا حيـل أضمـه
كنه ضناي وشوفته شـوف ضيقـة
يمه وأنـا ابـنك وإذاقلـت يمـه
شوفي لحزنـي والمواجـع طريقـة
ضميني لصـدرك ثمانيـن ضمـه
ضمة عشيـق ٍ مايفـارق عشيقـته
وكانك سألتي خاطري ويش همـه
بعلمـك وأبـي جـواب الحقيـقـة
ليه الزمن اليـوم مافيـه ذمـة ؟!!
وليه الطعون اللي بظهري عميقة؟!!
وليه الولد يبوق في بنت عمه ؟!! .
وليه الرفيق يخونعشرة رفيقه ؟!!
وليه أنخدع في ناس كانت مهمة ؟!!
ويوم أكتشفها وهم ماله حقيقـة؟!!
وليه الذي وقت الرخـا كـان قمـة
و وقت الشدايد مالقيناطريقـة ؟!!
وليه الحسد يمي من عيون عمه ؟!!
وليه الخطا لو قلت كلمة رقيقـة؟!!
أزيـد يمـه ولا كافـي مغمـة ؟!!
أشوف عينك مـن هماهـاغريقـة
يمـه دخيلـك آسـف آآه يـمـه
كنـي جرحتـك وأنـتـي أغــلى رفيقة